Жаңалықтарды Telegram арнамыздан оқыңыз!Боранға байланысты Астанадан шығатын барлық бағыттарда жолдар жабылды. Бұл туралы «Қазақавтожол» РМК мәліметінде хабарланды.
Атап айтқанда, «Астана-Петропавл» жолының 18-231 шақырымындағы Астана мен Бурабай аралағында жол жабылды.
«Екатеринбург-Алматы» жолының 1007-1247 шақырымындағы Атбасар мен Астана учаскесінде көлік қозғалысы шектелді.
Ал «Астана-Ерейментау-Шідерті» жолының 16-205 шақырымындағы Астана мен Павлодар облысы шекарасы аралығындағы жол жабық.
Бұдан бөлек, «Астана-Киевка-Теміртау» жолының Астана мен Қарағанды облысы шекарасы учаскесінде көліктердің жолға шығуына тыйым салынды.
Сонымен қатар «Екатеринбург-Алматы» жолының 1275-1353 шақырымындағы Астана мен Қарағанды облысы аралығы жабық.
Боранға байланысты «Астана-Қорғалжын» тасжолында қозғалыс шектелді.
