Жаңалықтарды Telegram арнамыздан оқыңыз!Әлемде шай өсіруде алдыңғы орынға ие мемлекеттер Астанада көрме өткізді. Көк шай мен қызыл шайдың алуан түрі көрмеге келушілердің назарына ұсынылды.
Үнді шайын ұнатпайтын, дәмін татпаған адам кемде-кем болар. Себебі үнді елінің шай плантацияларынан алынған өнім дүние жүзіне тарайды.
«Фестивальдің мақсаты – әр елді шай сусынымен танысу. Достық қарым-қатынас пен халықтар арасындағы бірліктің нығаюына үлес қосу. Бұл жерде кез келген қонақ ұсынылған шайдың дәмін татып көре алады», - дейді Үнді мәдени орталығының директоры Рагху Гурурадж.
Фестиваль қонақтары қатысушы елдердің ұсынып отырған шай түрлерімен, әр ел шайының шығу тарихы, мәдениеті, әдет-ғұрыптарымен танысты. Сондай-ақ, ұлттық билерін тамашалауға мүмкіндік алды.
Шай құю да – өнер. Себебі әр халықтың өзіне тән ерекшелігі, өз дәстүрі бар. Шай демдеудің түрлерін «Таңшолпаннан» көріңіз.
