Жаңалықтарды Telegram арнамыздан оқыңыз!Ақсу ауылдық аумағында моноқалаларды дамыту мемлекеттік бағдарламасы аясында бройлер етін өндіретін құс фабрикасын іске қосу жоспарланып отыр, деп хабарлайды pavlodarnews.kz.
"Жобаның жалпы құны - 3,2 млрд. теңге, оның ішінен игерілгені – 2,4 млрд. теңге. Өндірістік қуаты – жылына 8 мың тонна ет. Қазіргі таңда инкубатор, тоғыз құс қорасы, сою және тоңазыту, жемдеу цехтарына арналған жабдық монтажы аяқталды. Сондай-ақ, ет-сүйек ұнын өндіруге арналған технологиялық жабдықтың монтажы да мәреге жетіп қалды. Құс фабрикасының ашылуымен 240 жаңа жұмыс орны құрылады», - деді облыстық Экономика және бюджеттік жоспарлау басқармасының басшысы Т. Шәріпов.
