Жаңалықтарды Telegram арнамыздан оқыңыз!Павлодар облысындағы орта білім беру мектептерінде «Аймауытов оқулары» өткізілуі мүмкін. Бұл ұсынысты аймақ басшысы Қанат Бозымбаев Жүсіпбек Аймауытовтың 125 жылдығына арналған «Аймауытов оқулары» атты ғылыми-тәжірибелік конференция барысында жеткізді, деп хабарлайды pavlodarnews.kz.
«Қазақ тарихында асыл ойдың қазынасы болған ғұлама ғалымдар, батыр-шешендер мен билер, ұлтымыздың көш бастаушысы болған зиялы қауым - қоғамымыздың зор байлығы. Бүгінгі заман тілімен айтсақ, рухани капитал болып табылады. Ел азаматтарын тану ел тарихын білуде, ұлттық мәртебемізді ұлықтауда және тәуелсіз еліміздің қадір-қасиетін бағалауда азаматтық үлес қосуға күш-қуат береді. Сол себепті Павлодар облысындағы әр мектепте «Аймауытов оқуларын» өткізуді дәстүрге айналдыруды ұсынамын. Бұл істен аймақтың жоғары оқу орындары да қалыс қалмайды деген ойдамын», - деді Қ. Бозымбаев.
