Жаңалықтарды Telegram арнамыздан оқыңыз!Шотландияның тәуелсіздігін қолдамайтындар қарсыластарына қарағанда 6 пайызға көп.
«Ipsos Mori» қызметі жүргізген алдын ала сауалнама нәтижесі осыны көрсетті, деп жазады ИТАР-ТАСС.
Сауалнама нәтижесі бүгін, елде референдум өтіп жатқанда жарияланды. Оны жүргізуге лондондық «Evening Standard» басылымы тапсырыс берген.
Айта кету керек, «Ipsos Mori» компаниясы сауалнаманы 16-17 қыркүйекте жүргізген.
Ұлыбританияның тұтастығын сауалнамаға қатысқан шотландиялықтардың 53 пайызы қолдады. Ал, 47 пайызы Шотландияның тәуелсіздік алуын жақтаған.
Пайыздарды есептеген кезде қалыс қалған сауалнамаға қатысушылардың 4 пайыз дауысы есепке алынбады.
Ал, әлі де бір шешімге келе алмаған шотландықтар шамамен 10 пайыз. Сауалнамаға 16 жастан асқан 991 тұрғын қатысқан.
ҚазАқпарат
