Жаңалықтарды Telegram арнамыздан оқыңыз!Талдықорған қаласында Қазақстан Республикасы Ішкі істер министрінің орынбасары - Қазақстан-Беларусь сауда-экономикалық ынтымақтастық жөніндегі Үкіметаралық комиссияның қазақстандық бөлігінің төрағасы В.К. Божконың төрағалығымен комиссияның 11-ші отырысы өтті. Бұл туралы мекеменің баспасөз қызметі хабарлады.
Жиында өнеркәсіптік кооперация, ауыл шаруашылығы өнімдерін өңдеу, машина жасау, көлік және коммуникация, ғарыш саласы, ғылыми-техникалық және мәдени-гуманитарлық ынтымақтастық салаларындағы екіжақты сауда-экономикалық іс-әрекеттер мәселелері талқыланды.
Сонымен қатар, отырыста екіжақты сауда-экономикалық ынтымақтастықтың 2014-2015 жылдарға арналған Жол картасын орындаудың бірінші жылғы қорытындысы шығарылды.
Сондай-ақ, екі елдегі кәсіпкерлер тобының қатысуымен бизнес-форум өтті. Алматы облысы кәсіпкерлерінің азық-түлік көрмесі де ұйымдастырылды, деп хабарлайды strategy2050.kz. сайты.
