«Қара шаңырақ». Ұлттық арнада отандық телехикаяның тұсаукесері! (ФОТО)

25 тамызда  «Қазақстан» Ұлттық телеарнасында   «Қара шаңырақ» атты отандық телехикаяның тұсаукесері. 

Әлеуметтік-идеологиялық бағыттағы туынды туған ел мен қара шаңырақты сүйіп, ата дәстүрді құрметтеуге, отбасылық құндылықтарды дәріптеуге шақырады.

Сонымен қатар, бұл телехикаяда  туған-туыс арасындағы қарым-қатынас мәселелері сөз болады. Мұнда махаббат та, зұлымдық та, опасыздық та, үрей мен қайсарлық, сенім мен үміт, адалдық пен тазалық та бар.

Басты кейіпкерлер -  қара­пай­ым отба­сын­да өскен үш ағай­ынды жігіт. Үшеуі­н де әу баста ата-аналары жақсы тәрбиеге баулыған. Бірақ, түскен орталары, жүрген ай­наласы басқа.

«Қара шаңырақ» картинасының сюжетінің негізінде ағайынды үш бауырдың тағдыры, олардың таңдаған өмір жолдары жатыр.

Үлкені Әлішер – беделді топ-менеджер, бизнесмен. Алайда, жеке өмірінде түрлі мәселелерге тап болады. Ортаншысы Дәулет - бұрынғы спортшы, қазіргі уақытта бапкер. Жас әнші Линдамен кездесуінен кейін ол жеткен жетістігінде тоқтап қалмай, алға ұмытала беру қажеттігін түсінеді.

Кенже бауырлары Мәди  әкесінің ісін жалғастырушы – шаруа қожайыны. Ол ата-анасының қамқорлығынан шығып, өз өмірінің иесі болуға талпынады.

Әлішердің рөлін М.Әуезов театрының актері Азамат Сатыбалды, Дәулеттің рөлін - Әділ Ахметов, Мәдидің рөлін Дәурен Серғазин сомдайды

Сонымен қатар,  рөлдерде Бақытжан Әлпейісов, Болат Әбділманов, рок-әнші Әсем Көпбаева, Игорь Личадеев, Оксана Бойченко, сондай-ақ, «Ағайындылар» телехикаясы арқылы танымал Саят Мерекеұлы ойнайтын болады.

Телехикая Алматы, Астана, Көкшетау және Қарағанды қалаларында түсірілген.  

Сериал Ұлттық арна эфирінен дүйсенбі мен жұма аралығында, сағат 19.30-да көрсетілетін болады.