Жаңалықтарды Telegram арнамыздан оқыңыз!Жыл сайын тамыздың үшінші жексенбісінде аталып өтетін Спорт күніне орай Астанада 40-тан астам іс-шара өтеді.
Бұл туралы қалалық әкімдіктің баспасөз қызметі хабарлады.
Қаланың үш ауданында мерекелік жарыстар мен «Көңілді старт» жобасы 12 тамызда басталып кетті.
14 тамыз күні Пушкин көшесі 9 мекенжайында жалғасады.
Сонымен қатар, Көкталдағы Қарттар мен мүгедектерге арналған медициналық-әлеуметтік мекемеде бірнеше спорт түрі бойынша қала біріншіліктері өтеді.
Қала қонақтары мен тұрғындары 14-17 тамызда Астана, Көкшетау, Атбасар командалары арасында матчтық кездесуді, 15-17 тамыз аралығында «Толқын» спорт кешенінде бокстан 1999-2000 жылы туған балалар арасындағы кездесуді тамашалай алады.
