Жаңалықтарды Telegram арнамыздан оқыңыз!
Қазақ Ұлттық өнер университетінде «Айтыс» мамандығы ашылды, деп хабарлайды ҚазАқпарат.
Мәліметтерге сүйенсек, қазақстандық ғалымдар, қоғам қайраткерлері, өнер жанашырлары мен ұлт зиялылары ақылдаса келіп, Қазақ ұлттық өнер университетінің дәстүрлі өнер факультетінен «Айтыс» мамандығын ашуды ұйғарған. Бұл бастама мемлекет тарапынан қолдау тауып, 4 грант бөлінген.
Айта кетейік, бұған дейін осыған ұқсас мамандық Л.Н.Гумилев атындағы Еуразия Ұлттық университетінде болған. 2001 жылы қоғам және мемлекет қайраткері, сол кездегі университет ректоры Мырзатай Жолдасбековтің қолдауымен «Дәстүрлі музыкалық және поэтикалық өнер» атты мамандық ашылып, қазақтың талантты жастары білім алған.
Кейін университет құрылымын өзгерткенде бұл мамандық жабылып қалған. Қазіргі ашылған жаңа мамандыққа құжаттарды қабылдау маусым айының 30 жұлдызына дейін жалғаспақ.
