«Ертіс» өз құрамына қосылатын болгарлық футболшыға айына 20 000 еуро төлемек - «Qazaqstan» Ұлттық телеарнасы

«Ертіс» өз құрамына қосылатын болгарлық футболшыға айына 20 000 еуро төлемек

09.06.2014
«Ертіс» өз құрамына қосылатын болгарлық футболшыға айына 20 000 еуро төлемек
 Павлодарлық «Ертіс» футбол клубын «Левскидің» болгарлық қорғаушысы - 27 жасар Орлин Старокин толықтырады, деп хабарлады Vesti.kz.
 
Жаңа легионер «Ертіске» осы жазда келмек. Павлодарлық  клуб  жартылай қорғаушы болып та ойнай білетін сол қаптал қорғаушысымен келісімшартқа қол қояды.
 
Сондай-ақ, жаңа павлодарлықтың алатын айлығы да белгілі болды. Sportal.bg хабарлауынша, Старокин «Ертіс» футбол клубында айына 20 000 еуро алмақ. Айта кетейік, легионердің «Левскиде» жүргендегі жалақысы - айына 4 мың еуро болған.
 
Еске сала кетейік, қазақстандық премьер-лигада трансферлік терезе 11 маусымда ашылады. Клубтар 8 - ші шілдеге дейін өз құрамдарын өзгерте алады .
 ҚазАқпарат

Хабарламаларға жазылу