Жаңалықтарды Telegram арнамыздан оқыңыз!Алматыда 23-24 мамырда ІТ-мектеп өз жұмысын бастайды. ІТ-мектепте Қазақстанның үздік стартаптары таңдалады.
Шараны ҚР Тұңғыш Президенті Қорының қолдауымен Ақпараттық-коммуникациялық технологиялардың дамыту қоры ұйымдастырады.
Стартап-командалар краш-тест арқылы өтеді және әлемнің беделді тәлімгерлерімен бірге жұмыс істеу арқылы үлкен тәжірибеге ие болады.
Шараға америкалық Cars.com интернет-порталының негізін қалаушы, NewEggcorporation директоры Роберт Беллак пен ресейлік SoflineVentures қорының инвестициялық сарапшы, Magazinga компаниясының негізін қалаушылардың бірі Дмитрий Фирскин шақырылған.
Ақпараттық-коммуникациялық технологиялардың дамыту қорының бас директоры, «Receptive» компаниясының негізін қалаушы Санжар Кеттебеков ең үздік стартапшыларға лекция оқиды.
