Жаңалықтарды Telegram арнамыздан оқыңыз!Астанада жастар арасында инновациялық идеялар мен жобалар байқауы ұйымдастырылады. Өтініштер 5 сәуірге дейін қабылданады. Бұл туралы astana.kz сайтына Жастар саясаты мәселелері басқармасынан хабарлады.
Инновациялық идеялар мен жобалар байқауы жастар арасында үздік инноваторларды анықтау, олардың жобаларын қолдау және дамуына көмектесу, сондай-ақ, жас ғалымдар арасында тәжірибе алмасу алаңын құру мақсатында өткізіледі.
Ұйымдастырушылардың айтуынша, байқау жеңімпаздарына жобаны инвестициялауға және оны жүзеге асыруға көмек көрсетіледі.
Байқауға: «Үздік инновациялық технология», «Үздік инновациялық өнім», «Үздік инновациялық идея» және «Балалар инновациялары» аталымдары бойынша 14-29 жастағы адамдар қатысады.
