Жаңалықтарды Telegram арнамыздан оқыңыз!Астанада велосипед жолдары құрылысының бірінші кезеңі 2017 жылы аяқталады. Бұл туралы бүгін ҚР Спорт және дене шынықтыру істері агенттігінің төрағасы Тастанбек Есентаев мәлім етті.
«ЕХРО-2017 көрмесіне орай Астанада велосипед жолдарын салу жобасы жасалған болатын. Оның бірінші кезеңі көрме басталатын жылы аяқталады», - деді ол бүгін ОКҚ-да өткен баспасөз мәслихатында.
Айта кетейік, ЕХРО-2017 шарасының аясында Астанада 50 шақырым велосипед жолдары салыну көзделген. Оның құрылысы 2014 жылы басталады. Бүгінгі таңда елордада ұзындығы 4 шақырым велосипед жолы бар.
