Жаңалықтарды Telegram арнамыздан оқыңыз!«Шебердің қолы ортақ», демекші он саусағынан өнер тамған хас шебер Нарбек Ойратұлы бүгінге дейін 800-ден астам домбыра жасапты. «Шеберлігімнің шыңдала түсуіне әжемнің ықпалы мол болды. Кішкентай кезімде қолыма балға ұстатып, сынық орындықтарды жөндетіп қоятын»,-дейді ол.
«Әкем домбыра шертетін. Домбыраға құмарлық сол кезден басталды. Алғашқыда дүкендегі домбыралардың қақпақтарын қырып, мойындарын жонып, қайтадан аздап өңдейтінмін. Бірде қолыма шауып жасалған домбыра түсті. Сынып қалған екен. Оны да бастан-аяқ өңдеп, жасап шықтым. Содан бері қолымнан домбыра түспей келеді»,-дейді шебер.
Домбыра жасаушыларға ең алдымен, құлақ керек. Өйткені, домбыраның пернесінен төгілетін күйдің үнін ұғып, тапсырыс берушінің талғамынан шыға білу – үлкен өнер.
Тапсырыс беруге келген адамның талғамын дөп басатын Нарбек Ойратұлының жасаған домбырасын Бекболат Тілеухан, Рамазан Стамғазиев, Сәуле Жампейісова, Ардақ Исатаева сынды өнер майталмандары жанына серік етіп жүр.
Шебер жасаған домбырада нағыз қазақы қоңыр үн сақталған.
