Жаңалықтарды Telegram арнамыздан оқыңыз!5 ақпан күні республика аумағының басым бөлігінде бұрынғыша атмосфералық фронтальдық ағындардың өтуіне байланысты ауа райының тұрақсыздығы сақталады, жер-жерлерде қар, боран, қатты жел, жекелеген аудандарда тұман, көктайғақ күтіледі. Бұл туралы «Қазгидрометке» сілтеме жасап, ҚР ТЖМ баспасөз қызметі хабарлады.
Атырау, Қостанай, Батыс Қазақстан, Ақмола, Ақтөбе, Солтүстік Қазақстан облыстарының кей жерлерінде бұрқасындатып, жел 15-20 м/с-қа күшейеді. Қостанай облысының кей жерлерінде тұман түсіп, көктайғақ болады.
Маңғыстау облысында жел 15-20 м/с-қа күшейеді, кейбір аудандарында тұман, көктайғақ болып, боран соғады. Алматы, Шығыс Қазақстан облыстарында, Оңтүстік Қазақстан облысының кей жерлерінде тұман болады. Жамбыл облысында жел 15-20 м/с-қа күшейеді, тұман түседі.
