Елбасы сенім грамотасын қабылдады - «Qazaqstan» Ұлттық телеарнасы

Елбасы сенім грамотасын қабылдады

31.01.2014
Елбасы сенім грамотасын қабылдады
Бүгін Ақордада Мемлекет басшысы Нұрсұлтан Назарбаев шетел елшілерінен сенім грамотасын қабылдады. Бұл туралы Ақорданың баспасөз қызметі хабарлады.
 
Елбасы сенім грамотасын Жапонияның Қазақстандағы Төтенше және өкілетті Елшісі Масаеши Камохарадан, Пәкістан Ислам Республикасының  Елшісі Шаухат Әли Мукадамнан, Оман Сұлтанатының Елшісі Саид бен Мохаммед бен Әли Әл-Барамиден, Нидерланды Корольдігінің Елшісі Хенри Хуберт Дриссерден, Ауғанстан Ислам Республикасының Елшісі Мухаммад Фарук Баркиден қабылдады.  
 
Кездесуде Елбасы: «Сіздерді Қазақстандағы дипломатиялық миссияларыңыздың басталуымен шын жүрегіммен құттықтаймын. Біздің елдеріміз арасындағы ынтымақтастықтың жемісті болуына сіздердің үлес қосатындықтарыңыз сөзсіз. Сіздердің жұмыстарыңыз жан-жақты қарым-қатынасқа тың серпін береді деп сенемін», - деді.

Хабарламаларға жазылу