Басты Жаңалықтар Қазгидромет: 23 қаңтарға арналған ауа райы болжамы

Қазгидромет: 23 қаңтарға арналған ауа райы болжамы

23.01.2014 10:54

23 қаңтар күні республика аумағының басым бөлігінде атмосфералық фронтальдық ағындардың өтуіне байланысты ауа райының тұрақсыздығы сақталады. Бұл туралы «Қазгидрометке» сілтеме жасап, ҚР ТЖМ баспасөз қызметі хабарлады.

Жер-жерлерде қар жауып, боран соғып, жел күшейеді, жекелеген аудандарда тұман, көктайғақ болады.

Тек республиканың солтүстік батысында және шығыста ауа райы жауын-шашынсыз болады.

Атырау облысында жел 12-50 м/с-қа күшейеді, жекелеген аймақтарда бұрқасындатып, көктайғақ болады, Батыс Қазақстан облысында жер-жерлерде боран соғып, желдің күші 15-20 м/с-қа жетеді.

Алматы, Жамбыл, Оңтүстік Қазақстан облысының кей жерлерінде тұман түсіп, көктайғақ болады. Маңғыстау облысының кей жерлерінде жел 15-20 м/с-қа күшейеді.

Ақмола облысында, түнде және таңертең Ақтөбе, Қостанай, Шығыс Қазақстан облыстарының кейбір жерлерінде тұман түседі, деп болжануда.

Бөлісу