Жаңалықтарды Telegram арнамыздан оқыңыз!Бүгін ҚР Үкіметінің қаулысымен Болатбек Қуандықов ҚР Тұтынушылардың құқықтарын қорғау агенттігінің төрағасы болып тағайындалды, деп жазады primeminister.kz сайты.
ҚР Премьер-Министрі Серік Ахметов Агенттік ұжымына жаңа басшыны таныстырды және мекеменің басым міндеттерін айтып өтті.
«Жаңа агенттіктің алдында тұтынушылардың құқықтарын және тұтастай отандық тауар өндірушілерді қорғау міндеттері тұр. Тағам өнімдері қауіпсіздігін, санитарлық-эпидемиологиялық жағдайды бақылау, өнімдер мен қызметтердің техрегламенттерін сақтауды қадағалауды қамтамасыз ету – агенттік жұмыстарының басым бағыттары. Қысқа мерзімде тұтынушылардың құқықтарын қорғау саласындағы мемлекеттік саясатты жетілдіру және қалыптастыру жөнінде ұсыныстар әзірлеу қажет», - деп тапсырды Серік Ахметов.
