Бүгіннен бастап Ұлттық арна көрермендердің сұрауы бойынша 2013 жылдың үздік телехикаясы - «Ұлжанды» қайталап көрсетпек.
Картинада қазақ қоғамының бір кезеңі қарапайым отбасының өмірі арқылы суреттеледі.
Ұлжан – тәуелсіздік жылдары мойнына үлкен жүк артқан, кейіннен үлкен жетістіктерге жетіп, нағыз дәулетті кәсіпкерге айналған қазақтың келіншегі. Өмірдің ащысы мен тұщысын қатар алып жүріп, балаларын тәрбиелеген, туған-туыстың арасындағы беделін де ойлаған ананың бейнесі.
Телехикаяда басты рөлдерді Таңсұлу Баталова, Сырым Қашқабаев сомдайды. Сериал тек Қазақстанда ғана емес, сондай-ақ, Түркияда да түсірілген.
Туындыны дүйсенбі-жұма аралығында 19.30-да көре аласыздар.