Жаңалықтарды Telegram арнамыздан оқыңыз!Замбия елінің белгілі саясаткері Фрэнкке Бвалье жергілікті радиохабарда ел президенті Майкл Сатты картопқа теңегені үшін бес жыл бас бостандығынан айрылуы мүмкін. Бвалье мемлекет басшысын тәтті картопқа теңеген. Бұл туралы «Vesti.ru» хабарлайды.
Саяси бірлестіктің басшысы ел президентін қысып жіберсең үгітіліп қалатын тәтті картоппен салыстырған. Әдетте мұндай теңеу шешім қабылдай алмайтын дәрменсіз адамға айтылады. Саясаткердің сөздерін радиодан естіген полиция өкілдері оны тұтқындау жөнінде шешім қабылдаған.
Алайда саясаткер өз кінәсін мойындамаған. «Менің сөздерімді контекстен ойып алып, әсірелеп отыр. Сол хабарда мен президенттің өзін емес, оның нашар жұмысын сынадым», - дейді саясаткер.
Саясаткер кепілдіктен босатылды. Оның ісі бойынша сот отырысы 21 қаңтарға белгіленген.
