Елімізде онкология дертіне шалдыққан балаларды тың тәсілмен емдеу мүмкіндігі туды - «Qazaqstan» Ұлттық телеарнасы

Елімізде онкология дертіне шалдыққан балаларды тың тәсілмен емдеу мүмкіндігі туды

27.10.2015
Елімізде онкология дертіне шалдыққан балаларды тың  тәсілмен емдеу мүмкіндігі туды
Елімізде онкология дертіне шалдыққан балаларды тың  тәсілмен емдеу мүмкіндігі туды

Отандық дәрігерлер онкология дертіне шалдыққан балаларды емдеудің тың тәсілін меңгерді. Бұл аутотрансплантация. Науқас өзіне-өзі донор болады. Ағза ауыстырудың бұл жаңа әдісі елімізде үшінші рет жасалғалы отыр. Соның арқасында ракпен ауыратын балғындардың өмірін сақтап қалу мүмкіндігі артты. Қазір «аты жаман ауру» деп үмітті шорт кесетін уақыт артта қалды. Медицинадағы жаңа технологиялар мен дәрігерлердің біліктілігінің арқасында ауыр дертке шалдыққан балғындардың тіпті құлан таза айығып кетуіне болады.

Елімізде қатерлі дертке шалдыққан 1780 бала бар. Балалар ағзасы ауыстырыла бастағаннан бері олардың өмірін сақтап қалу мүмкіндігі артты. Оған дейін қалтасы көтеретіндер балғындарын шетелде емдетті. Мемлекеттен бөлінетін квота шектеулі болғандықтан, ракпен ауырған жеткіншектердің арасында өлім-жітім көп болды. Мәселен 2011-жылы рактан 174 бала қайтыс болған. 2012-жылы 148, 2013-те 107. Яғни содан бері дәрігерлер науқас балалардың 75 пайызының өміріне араша болатындай дәрежеге жетті. Толығырақ Ұлттық арнаның қорытында жаңалықтарынан көріңіздер.

Хабарламаларға жазылу