Жаңалықтарды Telegram арнамыздан оқыңыз!Еліміздегі соғыс ардагерлері медициналық қызмет сапасының нашарлығына шағымданды. Майдангерлердің ұсыныс-тілектерін Еңбек және әлеуметтік қорғау министрі Тамара Дүйсенова және Денсаулық сақтау министрі Салидат Қайырбековамен кездесуінде жеткізді.
Облыстық ардагерлер комитетінің төрағалары ардагерлерге көрсетілетін кей ем-дом түрлерінің тегін еместігін де айтты. Олар осы мәселені шешуді өтінді. Сондай-ақ, еңбек және соғыс ардагерлерінің алатын жәрдемақы мен зейнетақы көлемінің тең болуы керектігі де талқыланды.
Тамара Дүйсенова, ҚР Еңбек және халықты әлеуметтік қорғау министрі:
Жалпы жылда осы 9 майға келгенде бізде мынадай сұрақтар басталады. Мына облыста осынша қаражат беріпті, ана облыста осынша қаражат беріпті деген. Ол әр облыстың мүмкіншілігіне байланысты. Бірақ енді өз категорияларыңызға қатысты еңбек ардагерлері мен соғыс ардагерлеріне бірдей дәрежеде қаражат беру мәселесі қарастырылсын деп құжат бердік біз.
Айдана ҮСЕНБАЙ
