Жаңалықтарды Telegram арнамыздан оқыңыз!Бұл еліміздің өркендеуіне арналған 100 нақты қадамның 79-шы бағыты. Осы тапсырманы жүйелі орындауға алматылық мектептер кірісіп кетті. Оған материалдық база да, ұстаздардың да кәсіби біліктілігі жеткілікті.
Шоқан Уалиханов атындағы мамандандырылған гимназияда оқушылар 1-ші сыныптан бастап ағылшын тілін оқиды. Мамандар жастайынан оларға білім дәнін сеуіп, дарынды болуына күш салады.
Ал, жоғары сыныпқа өткенде бір сыныпты 3 топқа бөліп оқытады. Мәселен мұғалім 30 білімгерге емес 10 балаға дәріс оқиды, оқушылар көкейіне әліппедей тоқиды.
Ескеретін жайт гимназияда ағылшын тілі 1972 жылдан бастап оқытылады. Сондықтан болар түлектердің дені биік белестерді бағындырып, ел дамуына үлес қосып жүр.
Сәкен СЕЙІТХАНҰЛЫ
