Физика пәнінен Халықаралық олимпиадаға Қазақстаннан 5 оқушы қатысады

Физика пәнінен ұйымдастырылатын оқушылардың 45-ші халықаралық олимпиадасына биыл 88 елден 700 делегат қатысады, деп күтілуде.

 

Мамандар «қатысушы елдер саны бойынша биылғы олимпиада рекордтық көрсеткішке жетіп отыр», дейді.

 

Астанада өтетін Халықаралық олимпиадаға Қазақстаннан 5 оқушы қатысады. Жас дарындардың дайындығы қазір жаман емес. Мұны тәжірибе алаңдарындағы зертханалық жұмыстардан байқауға болады.

 

Әмір Бралин, республикалық олимпиаданың жеңімпазы:
Мен халықаралық олимпиадаға екінші жыл қатысқалы отырмын. Өткен жылы күміс медаль алғанмын. Осы жылы алтын алғым келеді.

 

Шолпан Қирабаева, «Дарын» РҒПО директоры:

Қазақстан алғаш рет өткізіп отыр. Біздің команда 20 мемлекеттің ішіне кіреді. Жақсы нәтиже күтеміз.

 

Құрманәлі ҚАЛМАХАНОВ