Жаңалықтарды Telegram арнамыздан оқыңыз!Астанадағы «Сарыарқа» велотрегінде Қанат Ислам мен канадалық Брэндон Куктың қатысуымен баспасөз мәслихаты өтті. Бұл жиынға қазақстандық боксшылар мен олардың қарсыластары қатысты.
9-қыркүйекте өтетін бәсеке алдындағы басқосуға Брэндон Кук пен оның жаттықтырушысы, промоутері келді.
Қазақстанда екінші рет кездесу өткізетін Қанат айқасқа дайын екенін айтты.
«Әрбір жекпе-жек мен үшін өте маңызды. Қазір жастардың елім, жерім, Отаным деп жұмыс істейтін уақыты. 24 кездесудің барлығына қалай дайындалсам, осы кездесуге де солай жаттықтым. Сол үшін тарихтағы ең жақсы жекпе-жектерімнің бірі болады деп ойлаймын», - дейді былғары қолғап шебері.
Атап кетсек, айтулы додада көрермендер сондай-ақ, Жанқош Тұраров, Жәнібек Әлімханұлы және Америкадан арнайы келген қандасымыз Димаш Ниязовтың қолғап түйістіргенін тамашалай алады.
Естеріңізге саламыз, кәсіпқой бокс кешін «Qazaqstan» және «Qazsport» арналары тікелей эфирде көрсетеді.
&mh_tags=Qazaqstan&mh_page=https://qazaqstan.tv/index.php/news/79745/){kind=small}
