Жаңалықтарды Telegram арнамыздан оқыңыз!Бүгін Еуропа чемпионатының ширек финалдық ойындары басталады. Алғашқы ойын Польша – Португалия құрамаларының арасында өтеді. Бұл ойынды «Қазақстан» Ұлттық телеарнасынан сағат 00:50-де тікелей эфирде тамашалай аласыздар.
Польша құрамасы плей-офф кезеңінде Швейцарияны матч соңындағы пенальти сериясында ұтса, Португалия құрамасы Хорватияны 1:0 есебімен жеңген.
Бұл ойынға дейін Польша мен Португалия құрамалары 10 рет кездескен. 3 матчта Польша құрамасы жеңіске жетсе, Португалия 4 ойында ұтқан. 3 кездесу тең аяқталған.
FIFA рейтингінде Польша 27-ші орында, ал, Португалия құрамасы 8-ші сатыда орналасқан.
Айта кетейік, Польша – Португалия матчының қайталауын ертең, 1 шілдеде «Kazsport» телеарнасынан сағат 18:15-те көре аласыздар.
