Жаңалықтарды Telegram арнамыздан оқыңыз!Бүгін «D» тобының құрамалары Еуропа чемпионатына кіріседі. Алғашқы ойын Түркия мен Хорватия командаларының арасында өтпек. Бұл ойынды «Kazsport» телеарнасы сағат 18:50-де назарларыңызға ұсынады.
Түркия құрамасы Еуропа чемпионатына биыл төртінші рет қатысып жатыр. Соңғы рет 2008 жылы қатысып, 3-ші орын иеленген болатын. Сондай-ақ, бұл Түркия құрамасының Еуропа чемпионатындағы ең үздік нәтижесі.
Ал, Хорватия Еуропа чемпионатына биыл 5-ші рет бақ сынайды. Осылайша, Хорватия бұл біріншілікке қатарынан 4 рет қатысқан. Хорватия құрамасы Еуропа чемпионатында ең үздік нәтижені 1996 және 2008 жылдары көрсетті. Ол кезде хорватиялықтар ширек финалға дейін жеткен еді.
Айта кетейік, Түркия-Хорватия матчының қайталауын ертең, 13 маусымда «Kazsport» телеарнасы сағат 08:25-те көрсетеді.
