Ақтауда «Әр бала - жарық жұлдыз» атты облыстық форум-фестиваль өтті - «Qazaqstan» Ұлттық телеарнасы

Ақтауда «Әр бала - жарық жұлдыз» атты облыстық форум-фестиваль өтті

30.10.2018

«Рухани жаңғыру» бағдарламасы аясында осымен екінші рет ұйымдастырылған байқауда оқушылар ұлттық спорттық ойындардан бақ сынады. Сондай-ақ, өрендер мәнерлеп өлең оқып, күй тартып, жыр-термені мақамына келтіре орындап, өнерлерін ортаға салды. Өңірде жас жеткіншектерге тәлім-тәрбие беріп жатқан 55 аула клубы жұмыс істейді. Мұнда 9 мыңға жуық оқушы бос уақытарын тиімді өткізеді.    

Гүлназ Ұзақ, байқауға қатысушы:

- «Асыл сөз» үйірмесіне қатысамын. Ол жерде біз әр ақын-жазушының шығармаларымен танысып, мәнерлеп оқуға үйренеміз. Бүгінгі рухани жаңғыру бағытындағы шараға Оңайгүл Тұржанованың «Ақтау» өлеңін оқыдым. Өзіме сенімдімін. 1-орын аламын деп ойлаймын.

 

Аягөз ОРАЛБАЙҚЫЗЫ      

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.

Хабарламаларға жазылу