Жаңалықтарды Telegram арнамыздан оқыңыз!Ел тағдырын шешкен маңызды шешім. 2012 жылдың 22-қарашасы. Франция астанасы Парижде Халықаралық Экспо көрмелер бюросы Бас ассамблеясының 152-ші сессиясы өтті. Күн тәртібіндегі басты мәселе - EXPO-2017 көрмесін өткізуге лайықты елді таңдау. Таразы басында - Бельгия және Қазақстан. 161 мемлекет өкілі жасырын дауыс берді. Нәтижесінде Бельгияның Льеж қаласы 44, ал, Қазақстан астанасы 103 дауыс жинап, Халықаралық көрмені өткізу құқығын жеңіп алды.
Қазақстан EXPO көрмесін өткізу құқығын алу үшін осыдан 7 жыл бұрын алғашқы қадамдар жасай бастады. 90 жылдық тарихы бар Халықаралық көрмелер бюросына еліміз 1997 жылдан бастап мүше. Ал, көрмелерге 2005 жылдан белсенді қатысып келеді.
&mh_tags=Qazaqstan&mh_page=https://qazaqstan.tv/index.php/news/77709/){kind=small}
