Жаңалықтарды Telegram арнамыздан оқыңыз!Сауд Арабиясы Батыс елдеріне қарсы 1973 жылғыдай «мұнай эмбаргосын» жарияламайды. Жалпы, бұл ел шикізат бизнесін саясатқа араластырмақ емес. Мұны бүгін осы елдің мұнай министрі Халид әл-Фалих Ресейдің ТАСС агенттігіне берген сұқбатында мәлімдеді. Америка Құрама Штаттарында өмір сүрген, шыққан тегі саудиялық журналист Жамал Хашогги өлтірілгеннен кейін ресми әр-Риядтың Батыс елдерімен арасы суып кетті. АҚШ конгрессмендері тілшінің қазасы үшін корольдік билігін жазалауды талап етіп отыр. Алайда, әлемдегі ең ірі мұнай экспорттаушы ел - Сауд Аравиясы Батыстың санкцияларына жауап ретінде «тиісті шара» қолдана алатындарын ескертті.
Арыстан РЫСБЕК
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.
