Жаңалықтарды Telegram арнамыздан оқыңыз!Бейбітшілік бойынша Нобель сыйлығының лауреаты - пәкістандық Малала Юсуфзай 6 жылдан соң алғаш рет еліне оралды. Ол Исламабад әуежайынан күшейтілген күзетпен қонақүйге жеткізілген. Малала туған елін сағынып қалғанын айтады. Ол Пәкістанда 4 күн болып, премьер-министр Шахид Хакан Аббасимен және армия штабының басшысымен кездеспек.
Естеріңізге сала кетсек, 2012 жылы тәліптер Малаланы қыздардың сауатын ашуды жақтағаны үшін басынан атып, жаралады. Сол оқиғадан кейін Малала Ұлыбританияға емделуге жіберілді.
Қазір 20 жастағы белсенді қыз корольдікте тұрып, Оксфорд университетінде білім алып жатыр. Ол Нобель жүлдесін 17 жасында алып, кейін БҰҰ-ның бейбітшілік елшісі атанды.
Арай ТӨЛЕГЕНҚЫЗЫ
