Жаңалықтарды Telegram арнамыздан оқыңыз!Сирия армиясы мен оның одақтастары Дамаск шетіндегі Шығыс Гута ауданының үштен бір бөлігінен астамын қайтарды. Бұл операция ақпанның 18-де басталды. Содан бері мыңға жуық адам қаза тапқан.
Өткен аптада Ресей анклавта «гуманитарлық үзіліс» жариялаған-ды. Бірақ, соғыс бәрібір тоқтамады. Ал, бейбіт халық оппозиция қолындағы және үкімет әскерінің қоршауындағы Шығыс Гутадан кете алмай жатыр. Дегенмен, кейбір мәліметтерге қарағанда, мұндағы қалалар мен ауылдардан сан мың адам қашқан. Ал, Біріккен Ұлттар Ұйымы Гутаға азық-түлік пен дәрі-дәрмек тиелген 46 жүк машинасын жеткізді. Олар аудан аумағына осыдан бірер сағат бұрын кіре бастады.
Арыстан РЫСБЕК
