Жаңалықтарды Telegram арнамыздан оқыңыз!Латвияның үшінші ірі банкі «ЭйБиЭлВи» қызметін тоқтатпақ. Мұны дүйсенбіде мекеме үлескерлерінің төтенше жиынында айтты. Себебі, Еуропа Орталық Банкі бұл қаржы институтын сақтап қалу қоғам мүддесіне қажет емес екенін мәлімдеді. Осыған дейін АҚШ қаржы министрлігіне қарасты орган «ЭйБиЭлВи»-дің астыртын әрекеттерін әшкерелейтін тың деректерді жариялады. Оған сай, бұл банк ақша ізін жасырған, Ресей және Украинамен заңсыз келісімдер жасаған және Солтүстік Кореяға қару сатты деп айыпталып отыр. Бұл жайттан кейін тұтынушылар банктен 600 млн. еуро қаражатын шығарып алған. Сол себепті, банк өз міндеттемелерін атқара алмайды деп танылды.
Арай ТӨЛЕГЕНҚЫЗЫ
