Жаңалықтарды Telegram арнамыздан оқыңыз!Ресейдің АҚШ-тағы Сан-Франциско және Вашингтон қалаларында орналасқан дипломатиялық миссияларынан тулары алынды. Сондықтан, Мәскеу Құрама Штаттарға ресми түрде қарсылық білдірді. Ресейдің Сыртқы істер министрлігінің баспасөз хатшысы Мария Захарованың мәлімдеуінше, бұл Федерацияның мемлекеттік символдарын қорлау және оған міндетті түрде жауап қайтарылады.
Вашингтон болса, өз әрекетін халықаралық конвенцияға қайшы емес деп есептейді және де ол қарсы тараптан дәл осындай әрекет жасалса наразы болмайтынын мәлімдеді.
Екі мемлекет арасындағы дипломатиялық жанжал биыл тамызда президент Дональд Трамп Ресейге қарсы жаңа санкциялар туралы заңға қол қойғаннан кейін өршіп отыр.
Мақпал СЕРЖАНҚЫЗЫ
