Жаңалықтарды Telegram арнамыздан оқыңыз!Аралдық мемлекеттің премьер-министрі Рузвельт Скерриттің сөзінше, тұрғындар «ақшаға сатып алуға болатын бұйымдардың бәрінен айырылған». Күшті жел үкімет басшысы үйінің де шатырын ұшырып әкетті.
Жел сағатына 260 шақырым жылдамдықпен соғып тұр. Премьер авиациясы бар көрші елдерден көмек сұрауға мәжбүр.
Әзірге табиғи апаттан қанша адамның жапа шеккені белгісіз. Аралдағы барлық порттар мен әуежайлар жабылып, жағалауға жақын маңдағы тұрғындарға көшу туралы тапсырма берілді.
72 мың тұрғыны бар Доминика аралы Кариб теңізінде орналасқан. Оны кейде туристер арасында өте танымал Доминикан Республикасымен шатастыратындар бар.
Арай ТӨЛЕГЕНҚЫЗЫ
