Түрмеден босатылған әйел қайта тұтқындалды

Суданда өлім жазасынан босатылып, түрмеден шыққан әйел бірер сағаттан соң қайта тұтқындалды. Мериам Ибрагим жолдасы және балаларымен бірге Хартум әуежайында ұсталған. Олар АҚШ-қа ұшпақ болыпты.

 

АҚШ дипломаттарының мәліметінше, Мериам саяхаттау құжаттарына қатысты уақытша тұтқындалған болуы керек. Бұған дейін 27 жастағы әйел христиан дінін қабылдады деп өлім жазасына кесілген болатын.

 

Ал, дүйсенбіде халықаралық қауымдастықтың қысымымен Судан соты үкімнің күшін жойып, Мериамды түрмеден босатты. 

 

Арай ТӨЛЕГЕНҚЫЗЫ