Жаңалықтарды Telegram арнамыздан оқыңыз!
Иракта сүнниттік содырлар тағы 4 қала мен 3 шекара бекетін басып алды. Қазір олар Бакуба шаһарын бағындыруға күш салып жатыр. Соңғы мәліметке қарағанда, «Ирак пен Левант Ислам мемлекеті» ұйымының қарамағына елдің айтарлықтай бөлігі өткен.
Жиһадшылардың ендігі мақсаты – Бағдадты алу. Үкімет болса, АҚШ-тан, Еуропа одағынан, Біріккен Ұлттар Ұйымынан шұғыл көмек сұрап отыр. Бүгін күтпеген жерден Бағдатқа АҚШ-тың Мемлекеттік хатшысы Джон Керри барды.
Бұл сапардың мақсаты – Иракта барлық конфессиялардың мүддесіне қызмет ететін жаңа үкімет құру мәселесін талқылау. Айта кетсек, Ирактың қазіргі премьер-министрі тек шиит мұсылмандардың қамын ойлап, сүнниттерді өзіне қарсы қойып, елді бүгінгі жағдайға жеткізгені үшін қатаң сынға ұшырап отыр.
Арыстан РЫСБЕК
