Берлинде түрлі мәдениеттер карнавалы өтті

Берлинде дәстүрлі мәдениеттер карнавалы  мәресіне жетті. Германия астанасында тұратын түрлі ұлт өкілдері тоғысқан мерекелік шарада 80-нен астам ұжым мен 5 300-ге жуық қатысушы өнер көрсетті.

 

30 градустан жоғары ыстыққа қарамастан, көшедегі салтанатты шеруді ондаған мың адам тамашалаған. Түрлі-түсті костюм киген өнерпаздар би билеп, ән айтып, цирктік қойылымдарды да көрсетті. Маусымның 6-да басталған шара бүгін аяқталады.  

 

Арай ТӨЛЕГЕНҚЫЗЫ