Нұрсұлтан Назарбаев «Шеврон» компаниясының директорлар кеңесінің төрағасымен кездесті - «Qazaqstan» Ұлттық телеарнасы

Нұрсұлтан Назарбаев «Шеврон» компаниясының директорлар кеңесінің төрағасымен кездесті

04.04.2018
Нұрсұлтан Назарбаев «Шеврон» компаниясының директорлар кеңесінің төрағасымен кездесті

Қазақстан Президенті Нұрсұлтан Назарбаев «Шеврон» компаниясының директорлар кеңесінің төрағасы және бас атқарушы директоры Майкл Уиртпен кездесті. Кездесуде тараптар мұнай өндіру мен мұнайды қайта өңдеу саласындағы өзара ықпалдастықтың қазіргі мәселесі мен перспективаларын талқылады. Мемлекет басшысы өткен жылдар ішінде екі тарап тығыз әрі өзара тиімді қарым-қатынас орнатқанын атап өтіп, бүгінде ынтымақтастықтың жаңа кезеңі басталғанын айтты. «Сіздер оңай өңделетін мұнайдың әлемдегі ең терең,  әрі ірі кен орындарының біріне инвестиция құйып отырсыздар. Қазіргі таңда оны тасымалдау мәселелері шешілді. Бұл «Шеврон» компаниясының ең ірі активтерінің бірі екенін атап өткен жөн», – деді Елбасы. Нұрсұлтан Назарбаев Майкл Уиртті қызметіне кірісуімен құттықтап, жауапты жұмысына табыс тіледі. Майкл Уирт Қазақстан Президентіне құттықтағаны үшін алғыс айтып, екіжақты қарым-қатынастардың жемісті екенін атап өтті.

Хабарламаларға жазылу