Жаңалықтарды Telegram арнамыздан оқыңыз!Елбасының осы тапсырмасын жүзеге асырудың жолдарын талқылау мақсатында елордада бір топ нәзік жандылар бас қосты. Жиында әйелдердің саяси рөлін арттырудың амалдары қарастырылды. Нәзік жандылар мұндай жұмыстарды орта және жоғары оқу орындарынан бастау керектігін айтты. Елімізде 50 мыңнан астам мемлекеттік қызметкерлер жұмыс істейді. Шағын және орта бизнестің 50 пайызын әйелдер игеріп отыр. «Сондықтан да қай сала болмасын, шаруаны дөңгелетіп әкететін әйелдер қауымын ең бастысы қолдау қажет», - дейді халық қалаулысы.
Майра Айсина, ҚР Парламенті Мәжілісінің депутаты:
- Саясат жағынан, мемлекет жағынан әйелдерді қолдап отырсақ, екінші жағынан әйелдердің өздеріне де байланысты. Бүгінгі жиналып отырған дөңгелек үстеліміздің мақсаты да сол. Бір-бірімізді қолдауымыз керек. Сөзімізді де, ісімізді де. Өмір өзі талап етіп тұр қазір.
Раушан САЙЛАУҚЫЗЫ
