ТМД ұйымы жаңа белесті бағындырады - «Qazaqstan» Ұлттық телеарнасы

ТМД ұйымы жаңа белесті бағындырады

10.10.2017

ТМД-ға мүше мемлекеттердің арасындағы әріптестік байланысты жаңа деңгейге көтеріп, жаңғырту қажет. Бүгін Сочиде өтіп жатқан Сыртқы істер министрлерінің жиынында осы мәселе сөз болды. Ведомство басшылары мемлекетаралық институттардың жұмысын күшейтуді көздейді. Негізі Достастықты трансформациялау идеясын 2015 жылы Нұрсұлтан Назарбаев Бурабайда өткен мемлекет басшыларның жоғарғы кеңесінде көтерген еді. Осы аралықта ұйымға мүше елдердің үкіметтері ұсынысты зерттеп және оны қолдайтындарын жеткізді. Ал, ертең Сочиде мемлекет басшыларының саммиті өтеді. Оған Елбасы Нұрсұлтан Назарбаев қатысады. Жиында ТМД-ға қатысты 17 құжатқа қол қойылады деп жоспарланып отыр.

 

Дулат НУРКИН

Хабарламаларға жазылу