Жаңалықтарды Telegram арнамыздан оқыңыз!Су көлігінің қауіпсіздігі. Бұл мәселе бізде де өзекті. Бүгін Астанада осындай тақырыппен халықаралық жиын өтті. Басқосуға жиналғандар – су көлігіне қатысты заңнаманы жетілдіру, теңіздегі әкімшілік жұмыстарды күшейту, қоршаған ортаны қорғау мәселелерін талқылады.
Іс-шараны ұйымдастырушы Инвестиция және даму министрлігінің өкілдері –теңізшілерді даярлау, теңіздегі адам өмірін қорғау деп аталатын заңдарға өзгерістер енгенін сөз етті. Жиынға қатысушылар теңіздегі кеме қозғалысын толық қауіпсіз ету үшін – навигациялық орталық салу қажеттігін баса айтты. Осы мекеме – су үстінде болған апатқа жедел жетіп, олқылықты түзеуге тиіс. Іздеу-құтқару жұмыстарын жүргізуі қажет екен. Мұнан бөлек, алыс сапарға шыққан кемелерді спутникпен бақылау жүйесін енгізу қажеттігі де айтылды.
