Жаңалықтарды Telegram арнамыздан оқыңыз!Ақтауда ұзақ уақыттан бері есірткі сатумен айналысқан қылмыстық топ құрықталды. Полицейлер олардың пәтерін тінту барысында 100 келі марихуана тәркіледі.
Күдіктілер есірткіні бөліп, целлофанға орап қойған. Қолға түскен 3 азамат – Маңғыстау облысының тұрғындары. Олар есірткіні еліміздің оңтүстік өңірлерінен тасмаладаған. Аталған дерек бойынша, Қылмыстық Кодекстің 296-бабы 4-бөлігіне сәйкес, сотқа дейінгі тергеу амалдары басталды.
Әйгерім Ибатуллаева, Маңғыстау облыстық полиция департаментінің баспасөз хатшысы:
Қазіргі уақытта ұсталғандар Ақтау қаласы полиция басқармасының уақытша ұстау изоляторына қамалды. Мойындау жауабы алынды. Айғақты заттар тәркіленді. Жасалған қылмыстың барлық мән-жайларын анықтау бойынша, қосымша жедел-тергеу іс-шаралары жүргізіледі.
Аягөз ОРАЛБАЙҚЫЗЫ
