Жаңалықтарды Telegram арнамыздан оқыңыз!Қарағандыда мердігерлер 15 жолды өз есебінен қайта жөндейді. Қалада 152 жол кепілдік мерзімінде болса, солардың 15-де ой-шұңқырлар, жарықтар пайда болған. Ал мердігерлер мұны сапасыз битумның кесірі деп отыр. Өңір басшысы Ерлан Қошанов мердігерлердің бұл уәжі қисынсыз деді. Себебі, асфальт төсердің алдында 5 кезеңді тексеріс жүргізіледі.
Соның бірінде Алматыдағы арнайы ғылыми институтта битумның да сапасы қаралған. Жергілікті билік тек соның қорытындысы бойынша битумды төсеуге рұқсат береді,-деді облыс әкімі. Айта кету керек, қазір жол құрылысына талап бойынша негізінен отандық материалдар қолданылады.
Әзірге ауа- райының қолайсыздығы кедергі болып тұр. Сондықтан жолдар уақытша жамалады. Ал жер кепкен кезде күрделі жөндеу жасалады. Жалпы биыл қала ішіндегі ірілі-ұсақты 42 жол жөнделеді,- деп жоспарланған.
Ерлан Қошанов, Қарағанды облысының әкімі:
Ол бір керемет үлкен ақаулар емес. Оның барлығының өзінің кепілдік мерзімі бар. Мердігерлер өз қаржысына осы сәуір айының үшінші декадасында күн жылынған кезде жөндейді.
Руслан НҰРЛАНҰЛЫ
