Жаңалықтарды Telegram арнамыздан оқыңыз!
Маңғыстау облысында Ресей мен Беларусь елдеріне тауар экспорттауға қауқарлы бірқатар кәсіпорын бар. Мәселен, жыл басынан бері 98 мың тонна өнім шығарған металл құю зауыты.
Оның жұмысымен танысқан Тимур Құлыбаев Түркіменстан және Иран мемлекеттеріне металл бұйымдарын шығарып отырған зауыттың тауар айналым деңгейін арттыруға мүмкіндігі жоғары екенін айтты.
Сонан соң битум зауытын аралап, Қазақстанда бұрын-соңды болмаған ірі өндіріс ошағына оң бағасын берді.
Тимур Құлыбаев, Ұлттық кәсіпкерлер палатасы президиумының төрағасы:
Еуразиялық экономикалық одақтың құрылғанын білесіздер. Қазақстан, Ресей және Беларусь Республикасы президенттері үш елге аса тиімді келісім жасады. Ұлттық кәсіпкерлер палатасы да отандық кәсіпкерлердің мүддесі үшін өз ұсынысын берді. Болашақта Қазақстанда кәсіпкерліктің қанат жаятынына сенуге болады.
Жазира ӘБІЛ
