Ақтөбеде жыл соңына дейін «Нұрлы жер» бағдарламасы бойынша 500 пәтер тапсырылады - «Qazaqstan» Ұлттық телеарнасы

Ақтөбеде жыл соңына дейін «Нұрлы жер» бағдарламасы бойынша 500 пәтер тапсырылады

05.11.2018

Ақтөбеде жыл соңына дейін үй кезегінде тұрған азаматтарға «Нұрлы жер» бағдарламасы бойынша 500 пәтер тапсырылады. Бүгін өтініш қабылдау басталды. Үміткерлердің ауданы 32-ден 54 шаршы метрге дейінгі бір бөлмелі пәтерлерді алуға мүмкіндіктер бар. Ең басты шарт - арыз беруші баспана құнының 10 пайызын төлеуі тиіс. Тағы 10 пайызын жергілікті әкімдік 5 жылға үстемесіз береді. Бұл баспаналардың әр шаршы метрі 100-120 мың теңге аралығында болады. Жалпы, қазір облыс орталығында үй кезегінде 21 мыңға жуық адам тұр екен.

Жанаргүл Дүйсекенова, қалалық Тұрғын үй қорын есепке алу секторының меңгерушісі:

- Қабылдауға келгенде көп азаматтар «бағдарламаға қатысқымыз келеді, бірақ, бастапқы ақшамыз жоқ», деп айтады. Сондықтан, 4-9 қараша аралығында «Халықтық кеңсе» ғимаратында азаматтардан несие алуға арыздар қабылдаймыз.

 

Жақсылық КЕМАЛ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.

Хабарламаларға жазылу