Құрлықтағы әскерлер қатарына 4000 адам қосылды - «Qazaqstan» Ұлттық телеарнасы

Құрлықтағы әскерлер қатарына 4000 адам қосылды

04.06.2018

Соның ішінде елорда іргесіндегі десанттық шабуылдау бригадасын 200-ге жуық жас сарбаз толықтырды. Олар 68665 әскери бөлімінде бір ай бойы жауынгерлік дайындықтан өтіп, салтанатты түрде әскери ант қабылдады. Ата-аналары балаларының ержетіп, жігерлі жігітке айналғандарына дән риза. Ал, командирлері болса, «барлығы физикалық тұрғыда шыңдалған, сауатты және рухты азаматтар», дейді. Сарбаздар әскери әзірліктері мен қойын-қолтық ұрыс кезінде меңгерген шеберліктерін көрсетті. 

Мейірбек Бұралқиев, сарбаздың ағасы:

- Әскери ант қабылдау біз үшін мереке. Баламыз Әміржан Асылбек бүгін ант қабылдады. Өте ризамыз, жүздері бал-бұл жанып, өздері сондай әсерде. Бір айдың ішінде үйренгендерін көрсетті. Бәріміз өте қуандық.

 

Нысаналы ЫҒЫЛ

Хабарламаларға жазылу