Жаңалықтарды Telegram арнамыздан оқыңыз!Ақмола облысының мектептерінде 28 ІТ сыныбы ашылады. Ал, колледждер мен жоғары оқу орындарында орталықтар жұмысын бастайды. Бүгін «Нұр Отан» партиясының Ақмола облыстық филиалы жергілікті әкімдікпен және өңірлік «Атамекен» кәсіпкерлер палатасымен бірлесіп меморандумға қол қойды. Балалар мұнда тегін білім алады. Колледждерде кәсіби мамандарды дайындауға басымдық беріледі. Қазір Көкшетаудағы мектептердің бірінде және Абай Мырзахметов атындағы Көкшетау университетінде ІТ орталығы жұмыс істеп тұр.
Бағдат Қадыров, Білім саласындағы жаңа технологиялар орталығының директоры:
- «Нұр Отанның» ашып отырған 28 ІТ сыныбы жақсы көмек. Балалар кружоктарға қосылады. Робототехникамен, бағдарламалаумен айналысатын балалардың саны көбейеді.
Ермек ЕЛБЕРГЕН
