Жаңалықтарды Telegram арнамыздан оқыңыз!«Жастардың ортақ мәселесі мен бұл саладағы мемлекеттік саясат. Өңірлердің өзекті мәселелері мен үздік тәжірибелермен бөлісу». Астанада осы тақырыптағы республикалық семинар-тренинг басталды. Дін істері және азаматтық қоғам министрлігінің бастамасымен өтіп жатқан шараға облыс, аудан әкімдерінің осы мәселе бойынша орынбасарлары қатысуда. Семинар барысында оларға сертификатталған кәсіби тренерлер арнайы дәрістер өткізбек.
Айта кету керек, қазір көптеген облыстарда жастар саясатымен айналысатын арнайы басқармалар мен Жастар ресурстық орталықтары жұмыс істейді. Тек Астана мен Ақтөбе және Шығыс Қазақстан облыстарында жастар саясаты бөлімдері бар.
Дулат АБИБУЛЛАЕВ
