Жаңалықтарды Telegram арнамыздан оқыңыз!Келер жылдың қараша айында елімізде электронды әдіспен халық санағы жүргізіледі. Бұл туралы бүгін Мәжілісте статистика туралы жаңа заңды таныстырған еліміздің Ұлттық экономика вице-министрі Руслан Дәленов айтты. Ол үшін арнайы интернет-портал ашылмақ. Оған азаматтар өздері туралы мәліметтерді қалдыра алады. Үйді аралап тіркеу жүйесі де қалады. Себебі, азаматтардың барлығы ғаламтор желісіне кіре алмайды. Санақшыларға түсетін жүкті жеңілдету үшін вице-министр ел тұрғындарына белсенділік танытуды сұрады. Жиында сондай-ақ, депутаттар статистикалық деректерді анықтау жүйесіне күмән келтірді. Себебі, көп жағдайда ол сандар өмірдегі нақты жағдайға сәйкес келмейді.
Шерхан ЖАМБЫЛҰЛЫ
